Өглөө бүхний ургах нартай
Болжморууд бид дуулан жиргэнэ
Өөдрөг амьдралын эхлэл болгон
Болжморууд бид тэнгэрт нисэлдэнэ
Хүсэл бүхнээ шивнэн
Өндрөөс өндөрт дүүлнэ
Хайр юугаан түгээн
Өргөн түмнээ баярлуулна
Аз жаргалтай шинэ өглөөг
Аяа бид угтан дуудна
Ариун бүхний үрийг хамтдаа тарьж
Ашид мөнх дэлбээлэн ургана
Эх нутаг минь сайхан байгаасай гэж
Эгэл олон минь жаргалтай амьдраасай гэж
Баян хангай минь унаган төрхөөрөө
Бахдал бишрэл дүүрэн яваасай хэмээн
Сэргэг болжморууд дуулан жиргэнэ
Сайхан нутгаа бахдан жиргэнэ
Санаа сэтгэлээ олондоо өргөн
Сайхан ирээдүйг магтан дуулна.
“Болжморуудын клуб”
Н.Рэгдэнгарав
2010/06/21/
No comments:
Post a Comment